Huquqiston.uz

Qidiruv

“ILMA” bo‘yicha: 3 ta xizmat va yo‘nalish, 29 ta maqola.

Xizmatlar va yo‘nalishlar

Maqolalar

Siyosat · 17 noyabr, 12:26

2027-yildan mahkumlarga universitetlarda masofaviy ta’lim olish imkoniyati yaratiladi

2027/2028-o‘quv yilidan boshlab jazoni ijro etish muassasalarida jazo muddatini o‘tayotgan shaxslar oliy ta’lim muassasalariga o‘qishga kirishi va masofaviy shaklda tahsil olishi mumkin bo‘ladi. Shuningdek, har yili kamida 15–20 ming nafar mahkumni kasbga o‘qitish belgilandi.

Foydali · 14 noyabr, 12:55

Ish haqi kechiksa, xodimga har bir kun uchun kompensatsiya to‘lanishi shart

O‘zbekistonda ish beruvchi xodimning ish haqini belgilangan muddatda to‘lamasa, kechiktirilgan har bir kun uchun qo‘shimcha kompensatsiya to‘lashi kerak. Mehnat kodeksiga ko‘ra, kompensatsiya Markaziy bankning qayta moliyalashtirish stavkasi asosida hisoblanadi va ish beruvchining aybi bor yoki yo‘qligidan qat’i nazar to‘lanadi. Kompensatsiya va uni qanday hisoblash haqida batafsil saytimizdagi maqolada tanishing:

Siyosat · 13 noyabr, 19:06

Markaziy bank banklarga noqonuniy undirilgan kredit foizlari va jarimalarni qaytarishni topshirdi

Sud qaroridan keyin kredit qarzdorligiga qo‘shimcha foiz va jarimalar hisoblagan banklar ushbu summalarni bekor qilishi, mijozlardan undirilgan pullarni esa qaytarishi kerak. Markaziy bank tijorat banklariga 10-dekabrgacha tekshiruv o‘tkazish, 25-dekabrgacha uning natijalari bo‘yicha hisobot taqdim etish vazifasini yukladi.

Qonunchilik · 13 noyabr, 15:49

O‘zbekistonda xorijiy aksiyalarni sotib olishga ruxsat berildi: kimlar investitsiya kiritishi mumkin?

O‘zbekistonda xorijiy kompaniyalar aksiyalari, obligatsiyalari va ETF’larni mahalliy brokerlar orqali sotib olishning huquqiy tartibi belgilandi. Yangi imkoniyatdan hozircha faqat malakali investor maqomiga ega shaxslar foydalanishi mumkin. Bunday maqomni olish uchun 5 ming dollarlik moliyaviy aktivlarga ega bo‘lish shartlardan biri, xolos.

Foydali · 11 noyabr, 15:51

Ijtimoiy reyestrga kimlar kiritiladi va qanday yordamlar beriladi?

Huquqiston Ijtimoiy reyestrga kimlar kiritilishi, ariza nima sababdan rad etilishi va reyestrdagi oilalarga qanday yordamlar berilishini oson tilda tushuntiradi.

Jamiyat · 9 noyabr, 15:26

O‘zbekistonda maishiy texnika xaridi uchun 18 foizli kredit beriladi

O‘zbekistonda ishlab chiqarilgan muzlatkich, kir yuvish mashinasi, konditsioner va boshqa maishiy texnikalarni xarid qilish uchun yillik 18 foiz stavkada iste’mol kreditlari ajratish rejalashtirilmoqda. Buning uchun tijorat banklarini arzon moliyaviy resurslar bilan ta’minlash bo‘yicha taklif ishlab chiqiladi.

Jamiyat · 26 oktabr, 16:41

20 mln dollarlik kamomad daʼvosi, 128 ming dollarlik Mercedes va millionlab dollarlik qarzlar. IMAN Invest’da nimalar boʻlyapti?

IFCB kengashi IMAN Invest da investorlar mablagʻlari notoʻgʻri sarflanganini bildirib, kompaniya bilan hamkorlikni toʻxtatdi. Kompaniya asoschisi Rustam Rahmatov ayblovlarni rad etgach, kengash aʼzosi Mahmud Usmon oʻz eʼtirozlariga asos boʻlgan ichki tekshiruv hujjatlarini eʼlon qildi. Ularda investorlar hisobidan avtomobil xarid qilingani, boshqaruv xarajatlari qoplangani va millionlab dollarlik muammoli qarzlar qayd etilgan. Mutaxassis shuningdek kompaniyada 20 mln dollarlik kamomad bor ekanligini ham daʼvo qilmoqda. IMAN esa mustaqil sharʼiy audit natijalarini ochiqlashga vaʼda berdi.

Jamiyat · 19 oktabr, 15:48

O‘zbekistonda Google Pay ishga tushirildi

Google O‘zbekistonda Google Pay to‘lov xizmatini ishga tushirdi. Mamlakat Google’ning xizmat mavjud bo‘lgan davlatlar rasmiy ro‘yxatiga ham qo‘shildi, biroq hozircha O‘zbekistondagi qaysi banklarning qanday kartalari Google Pay’ni qo‘llab-quvvatlashi ochiqlanmagan.

Qonunchilik · 14 oktabr, 13:11

Toshkentda isitish va issiq suv tariflari 30 foizga oshirilishi mumkin

Hukumat qarori loyihasida Toshkent shahrida markazlashgan isitish va hisoblagichli issiq suv uchun yangi tariflarni 1-noyabrdan joriy etish taklif qilinmoqda. Isitishning kunlik narxi 1 kvadrat metr uchun 314 so‘mga, issiq suvning 1 kub metri esa 11 607 so‘mga yetishi mumkin. Hisoblagichsiz issiq suv uchun oylik to‘lovni kamaytirish ham ko‘zda tutilgan.

Jamiyat · 6 oktabr, 20:45

Gaz yetib bormagan hududlarda elektr limiti 350 kVt·soatga oshiriladi

Isitish mavsumida gazlashtirilmagan hamda tabiiy gaz yetib bormagan hududlarda elektr energiyasi bo‘yicha bazaviy me’yorni oyiga 200 kVt·soatdan 350 kVt·soatga oshirish taklifi ma’qullandi. Bundan tashqari, kommunal xarajatlar uchun kompensatsiya oluvchi oilalar sonini kengaytirish va amaldagi yordam muddatini 2028-yilgacha uzaytirish rejalashtirilmoqda.

Qonunchilik · 3 oktabr, 10:28

O‘zbekistonda dual ta’lim tartibi belgilandi: talaba ham ishlab ham oylik oladi va bitirgach ikki yil ishlab beradi

Oliy ta’limda korxonalar buyurtmasi asosida mutaxassis tayyorlashning yangi tizimi joriy etiladi. Talaba o‘qish davomida maosh oladi, uning korxonada ishlagan davri mehnat stajiga qo‘shiladi. Buning evaziga bitiruvchi buyurtmachi korxonada kamida ikki yil ishlab berishi kerak.

Jamiyat · 30 sentabr, 22:19

2028-yildan barcha oliygohlarda dual ta’lim tizimi joriy etiladi

Ish beruvchi buyurtma bergan nomzod oliygohga testsiz, suhbat asosida qabul qilinadi, talabaga to‘langan maoshning yarmini esa davlat qoplaydi. Dual ta’limning 50 foiz nazariya va 50 foiz amaliyotdan iborat modeli joriy o‘quv yilidan O‘zbekistonda ilk bor TDYUda tajriba tariqasida yo‘lga qo‘yilgan edi. Endi “korxona — oliygoh — maqsadli kadr” tizimi 2027-yildan 75 ta, 2028-yildan barcha oliygohlarda amal qiladi.

Qonunchilik · 11 sentabr, 14:36

Shovqin uchun jarima 8,8 mln so‘mgacha oshiriladi

O‘zbekistonda belgilangan me’yordan ortiq shovqin qilganlik uchun jarimalar keskin oshiriladi. Takroriy qoidabuzarlik uchun mansabdor shaxslarga 8,8 mln so‘mgacha jarima solinishi mumkin. Yangi tartib 11-dekabrdan kuchga kiradi.

Jamiyat · 10 sentabr, 12:02

O‘zbek alifbosini o‘zgartirish haqidagi qonun Senatda ma’qullandi

Oliy Majlis Senati lotin yozuviga asoslangan o‘zbek alifbosini takomillashtirishni nazarda tutuvchi qonunni ma’qulladi. Yangi alifbo amaldagi 26 ta harf va 3 ta harf birikmasi o‘rniga 28 ta harf hamda bitta tutuq belgisidan iborat bo‘lishi ko‘zda tutilmoqda.

Siyosat · 9 sentabr, 11:24

Kredit qarzi undirilganda kartada kamida 680 ming so‘m qoldirilishi mumkin

Banklar kredit yoki kafillik qarzini mijozning kartasidan avtomatik undirayotganda undagi barcha pulni yechib olishi cheklanishi mumkin. Markaziy bank taklifiga ko‘ra, bunday undirishdan keyin kartada kamida 680 ming so‘m qolishi kerak. Biroq kredit to‘lovi uchun oldindan belgilangan kartalarga bu talab tatbiq etilmasligi mumkin.

Qonunchilik · 7 sentabr, 20:06

Profilaktika inspektorlariga yana to‘rt turdagi yo‘l harakati qoidabuzarligi uchun jarima qo‘llash vakolati berildi

Profilaktika inspektorlari mahalla ko‘chalari va yo‘laklarida sodir etilgan yana to‘rt turdagi yo‘l harakati qoidabuzarligi bo‘yicha jazo qo‘llashi mumkin bo‘ladi. Ularning faoliyatiga nisbatan aholi ovoz berishi orqali “ishonchsizlik tashabbusi”ni bildirish tizimi ham joriy etiladi.

Jamiyat · 31 avgust, 15:59

O‘zbekistonda IMEI-kodlarni ro‘yxatdan o‘tkazish uchun 7 yilda 3 trln so‘mdan ortiq to‘lov qilingan

O‘zbekistonda UzIMEI tizimi ishga tushirilganidan buyon 97,8 mln dan ortiq IMEI-kod ro‘yxatdan o‘tkazilgan. Gazeta.uz ma’lumotiga ko‘ra, buning uchun jami 253 mln dollar yoki 3 trln so‘mdan ortiq to‘lov amalga oshirilgan. Tizim operatori majburiy undiriladigan ushbu mablag‘ni soliq emas, ko‘rsatilayotgan xizmat uchun to‘lov deb izohlamoqda.

Qonunchilik · 30 avgust, 11:38

O‘zbekistonda “korrupsionerlar reyestri”ni yuritish tartibi belgilanmoqda

Korrupsiyaga oid jinoyat sodir etgan shaxslarning elektron reyestrini yuritish tartibi tasdiqlanishi mumkin. Reyestr yopiq shaklda yuritilib, davlat tashkilotlari ishga qabul qilish yoki lavozimga tayinlashdan oldin nomzodning unda bor-yo‘qligini majburiy tekshiradi. Ma’lumotlar shaxsning sudlanganlik muddati davomida saqlanadi.

Siyosat · 18 avgust, 15:23

Prezident Shavkat Mirziyoyevning tadbirkorlar bilan ochiq muloqotdagi nutqidan asosiy fikrlar

18 avgust kuni davlat rahbari har yilgi anʼanaga muvofiq tadbirkorlar bilan ochiq muloqot oʻtkazdi. Unda biznes vakillari uchun bir qator yangiliklar va keng imkoniyatlar maʼlum qilindi.

Qonunchilik · 17 avgust, 14:21

O‘zbekistonda muddatli to‘lov xizmatlari Markaziy bank nazoratiga o‘tadi

2027-yil 1-yanvardan muddatli to‘lov xizmatlarini ko‘rsatuvchi kompaniyalar Markaziy bank reestriga kiritiladi. Shartnoma muddati 12 oydan, uning qiymati esa 250 BHMdan oshmasligi kerak.

Qonunchilik · 16 avgust, 14:35

Davlat idorasi ustidan shikoyat qilinganda mansabdor ma’muriy sudga kelishi shart bo‘ladi

Davlat idorasining qarori, harakati yoki harakatsizligi ustidan shikoyat berilganda, tegishli mansabdor yoxud uning vakili ma’muriy sud majlisida qatnashishi shart. U uzrli sababsiz kelmasa, sud muhokamasi kechiktirilishi va mansabdorga sud jarimasi qo‘llanishi mumkin.

Qonunchilik · 15 avgust, 16:16

Noto‘g‘ri sudga berilgan ariza endi fuqaroga qaytarilmaydi

Sudga taqdim etilgan ariza boshqa sud vakolatiga kirsa, uni fuqaroga qaytarish o‘rniga tegishli sudga yuborish tartibi kengaytiriladi. Arizada juz’iy kamchiliklar bo‘lsa, sud ularni bartaraf etishda fuqaroga yordam berishi kerak bo‘ladi.

Qonunchilik · 14 avgust, 12:38

Prezident Administratsiyasi to‘g‘risidagi konstitutsiyaviy qonun imzolandi

Prezident Shavkat Mirziyoyev Prezident Administratsiyasining huquqiy maqomi, asosiy vazifalari va vakolatlarini belgilovchi konstitutsiyaviy qonunni imzoladi. Hujjatga ko‘ra, Administratsiya davlat organlari faoliyatini muvofiqlashtirishi va nazorat qilishi, uning rahbari esa barcha davlat idoralari va mansabdor shaxslar bajarishi majburiy bo‘lgan farmoyishlar chiqarishi mumkin.

Qonunchilik · 4 avgust, 21:22

Prezident Administratsiyasining vakolatlari konstitutsiyaviy qonun bilan belgilanadi

Oliy Majlis Qonunchilik palatasi Prezident Administratsiyasining huquqiy maqomi va vakolatlarini belgilovchi konstitutsiyaviy qonun loyihasini birinchi o‘qishda qabul qildi. Hujjat Administratsiyaning davlat boshqaruvidagi o‘rni, faoliyatini tashkil etish tartibi hamda xodimlarining huquqiy kafolatlarini tartibga soladi. Loyiha hozircha qonun kuchiga ega emas.

Foydali · 4 avgust, 20:57

Uy narxini shartnomada aslidan past koʻrsatish nega keyinchalik qimmatga tushishi mumkin?

Uyning haqiqiy narxini shartnomada kamaytirib, pulning qolgan qismini qoʻlda berish xaridor va sotuvchi uchun qanday oqibatlarga olib kelishi mumkin? Pinkod bunday kelishuvda eskrou himoyasi, qoʻshimcha soliq va boshqa masalalarni tahlil qildi.

Qonunchilik · 1 avgust, 22:45

O‘zbekistonda 1-avgustdan nimalar o‘zgardi?

2026-yil 1-avgustdan O‘zbekistonda tadbirkorlik tekshiruvlari, mehnat nizolari, transport, ekologiya va qishloq xo‘jaligiga oid yangi tartiblar kuchga kirdi. Endilikda ayrim tekshiruvlar QR-kod orqali ro‘yxatga olinadi, mehnat nizolari ixtisoslashgan sudyalarga taqsimlanadi, jarima maydonchasidagi avtomobil esa elektron ruxsat bilan chiqariladi. Shuningdek, ayrim sohalar uchun yangi imtiyozlar va qo‘shimcha cheklovlar joriy etildi.

Qonunchilik · 28 iyul, 15:37

Apex Moliya ilk islomiy mikromoliya bankiga aylanishni rejalashtirmoqda

Apex Moliya aksiyadorlari tashkilotni islomiy mikromoliya bankiga aylantirishga qaror qildi. Kompaniya buning uchun Markaziy bankdan dastlabki ruxsat va litsenziya olishi, ustav kapitalini esa 50 mlrd soʻmga yetkazishi kerak.

Qonunchilik · 24 iyul, 22:55

Oʻzbekistonda Investitsiya kodeksi loyihasi ishlab chiqildi

Huquqiston loyihadagi asosiy oʻzgarishlarni bir joyga jamladi:

Jamiyat · 20 sentabr, 17:37

Madad Invest Bank asoschisi Moʻminjon Yoʻldashev xalqaro qidiruvga berildi

Interpol Moʻminjon Yoʻldashevga nisbatan 2026 yil 15 sentabrda Red Notice eʼlon qildi. U Oʻzbekistonda oʻzlashtirish yoki rastrata yoʻli bilan talon-toroj qilishda ayblanmoqda. Yoʻldashev 2024 yilda Madad Invest Bank kuzatuv kengashi raisligidan ketgan, ammo bank aksiyalarining asosiy qismi hali ham uning oila aʼzolari va ularga bogʻliq kompaniya qoʻlida qolmoqda.